طريقة عمل بط مسلوق ومحمر فالفرن

طريقة عمل بط مسلوق ومحمر فالفرن

المقادير 

بطه متوسطه الحجم مغسوله ومنقوعه مش اقل من ساعتين فى مياه وملح وفلفل اسمر وكمون وخل وليمون

2 بصله متوسطه مقطعه شرايح

2 او 3 معلقه صلصه طماطم

2 معلقه خل

ملعقتين زيت

ملعقتين سمنه

ملعقة ملح صغيره

نص ملعقة صغيره كمون

نص ملعقه صغيره فلفل اسمر

نص ملعقه صغيره بهارات

الطريقة :

اقدحى معلقه سمنه كبيرة مع شويه زيت فى حله البط وانزلى بالبطه عليها زى ماهى كده من غير مياه وسيبيها دقيقتين وبعدين اقلبى على الوش التانى وبردو سيبيها دقيقتين ارفعيها من على النار وحطيها على غطا الحله.

وبعدين تشوحى بصلتين متقطعين شرايح وفلفل اسود فى السمنه وترجعى تنزلى بالبطه عليهم وتقلبيها بردو.

وبعدين تحطى الكبده بتاعتها والقوانص طبعا وشوحيهم وانزلى بقى بالمياه تغطى البطه وتوابلك الحلوه واول ما تغلى وطى عليها وسيبيها على النار ساعتين وابدأى جسيها بشوكه شوفيها استوت ولا لأ لو استوت يبقى طلعيها وسيبيها تهدا او تبرد لحد ما تنشف خااااااااالص من شوربتها.

تكونى حضرتى 3 معالق صلصه طماطم ومعلقتين خل طعام ونص معلقه اكل زيت طعام وملح وفلفل اسود وقلبيهم كويس اووووووووووى وادهنى بيهم البطه وبردو سيبيها تشربهم.

تكونى قدحتى سمنه وزيت فى صينيه وتحطى البطه عليهم وتنزليها على الفرن تتحمر من كل جوانبها او تكملى بالشوايه وبالف هنا وشفا.

مشاركة